Psalm 23 according to John Wycliffe

The Lord gouerneth me, and no thing schal faile to me; in the place of pasture there he hath set me. He nurschide me on the watir of refreischyng; he conuertide my soule. He ledde me forth on the pathis of righfulnesse; for his name. For whi thoug Y schal go in the myddis of schadewe of deeth; Y schal not drede yuels, for thou art with me. Thi gerde and thi staf; tho han coumfortid me. Thou hast maad redi a boord in my sigt; agens hem that troblen me. Thou hast maad fat myn heed with oyle; and my cuppe, fillinge greetli, is ful cleer. And thi merci schal sue me; in alle the daies of my lijf. And that Y dwelle in the hows of the Lord; in to the lengthe of daies.

(According to the Wycliffite version made by Nicholas de Hereford about A.D. 1381, and revised by John Purvey about A.D. 1388)